Plano na ng Metropolitan Manila Development Authority o MMDA na isama sa National Bureau of Investigation o NBI record ang violation na jaywalking.
Ito, ayon kay MMDA Spokesperson Celine Pialago, ay bilang bahagi ng kanilang pinaigting na kampanya laban sa mga nahuhuling jaywalker.
Batay sa kanilang datos, 54 percent ng mga road accident sa Metro Manila ay sanhi ng maling pagtawid.
Multang 500 pesos lamang o community service lamang ang katapat para sa mga jaywalker subalit aminado si Pialago na hindi ito sapat na parusa.
Sa oras na mapabilang ang jaywalking sa NBI records, magkakaroon ito ng epekto partikular sa paghahanap ng trabaho ng mga violator.
