Nasa 60 pamilya malapit sa Bulkang Bulusan ang lumikas matapos ang phreatic eruption nito kahapon.
Ayon kay National Disaster Risk Reduction and Management Council (NDRRMC) spokesperson Mark Timbal, nakapagtala rin ng 100 indibidwal na mula sa bayan ng Juban ang nag-evacuate kahapon.
Anila, ang bayan ng Irosin at Juban ang pinaka-naapektuhan ng ashfall ng bulkan dahil sa direksyon ng hangin na pakanluran.
Pero, nilinaw ng NDRRMC na walang naitalang nasawi.
Samantala, nagsasagawa na ng relief operation ang mga lokal na pamahalaan sa mga apektadong residente.
