Umarangkada na ang panibagong big-time oil price hike ngayong Martes Santo.
Ayon sa mga kumpanya ng langis, P2.20 ang iniakyat ng presyo ng kada litro ng Gasolina, habang P1.40 ang itinaas ng kada litro ng Diesel, at P1.30 ang price increase sa kada litro ng Kerosene.
Ipapatupad ng mga kumpanyang Petro Gazz, PTT Philippines Corporation, at UNIOIL Petroleum Philippines incorporated ang naturang price adjustment kaninang 6 a.m., habang magkakaroon ng kaparehong price hike ang Cleanfuel kaninang 4:01 p.m.
Paliwanag ng Department of Energy, ito’y may kaugnayan sa tensyon sa middle east, pag-atake ng Ukrainian Forces sa 3 oil refinery sa Russia, mas mahabang pagbiyahe ng mga oil tanker sa gitna ng kaguluhan sa red sea, at pagbaba ng inbentaryo ng krudo at gasolina sa Estados Unidos, dahil sa mataas na demand. – sa panunulat ni Charles Laureta
