Patay ang dalawang hinihinalang drug suspects sa magkahiwalay na anti-illegal drugs operations sa Bulacan.
Napatay ng pulisya sa Tuklas Cemetery sa barangay Mabolo sa Malolos ang nakilalang si Joseph Gallardo matapos na di umano’y manlaban ito sa mga pulis.
Nakuha kay Gallardo ang isang kalibre .22 na baril, sampung sachet ng shabu at tatlumpu’t dalawang sachet ng marijuana.
Sa barangay Bayugo sa Meycauayan naman napatay ang hinihinalang drug suspect na si Alfred Morte.
Ayon sa pulisya, isang drug surenderee si Morte na nagpatuloy pa rin sa kanyang bisyo at pagbebenta ng shabu.
Nakuha kay Morte ang isang kalibre bente dos na baril at limang sachet ng shabu.
—-
