Narekober ng Philippine Coast Guard o PCG ang isang pakete ng hinihinalang cocaine sa bayabayin ng Cuyo Palawan.
Ayon kay PCG Cuyo Station Commander Ensign Merham Sajarani, isang residente ang tumawag sa kanila kaugnay sa nakitang kahina-hinalang pakete na naglalaman ng puting pulbos na may timbang na isang kilo.
Dagdag ni Sajarani, positibong natukoy ito bilang illegal substance matapos na ma-detect at upuan ng kanilang K-9 working dog.
Posible rin aniyang kasama ito sa nadiskubreng plastic container sa lalawigan ng Quezon na naglalaman din ng pake-paketeng cocaine noong nakaraang buwan.
Kasalukuyang nasa kustodiya na ng Scene of the Crime Operatives o SOCO Crime Lab ang mga natagpuang iligal na droga.
—-
