Isinailalim sa enhanced community quarantine (ECQ) ang Passi City sa Iloilo dahil sa pagsipa ng kaso ng coronavirus disease 2019 (COVID-19).
Ayon kay Passi City Mayor Stephen Palmares, ang kanilang desisyon ay bunsod ng aabot sa 80% pag-saturate ng mga kaso ng COVID-19 sa mga barangay na sakop ng kanilang lungsod.
Dahil dito, kinakailangang nang mag-presinta ng quarantine pass ang mga residente ng lungsod bago mapayagang makalabas ng kanilang kabahayan, habang ang mga hindi naman residente ng Passi City, ay hindi papayagang makapasok sa lungsod bilang pag-iingat sa banta ng COVID-19.
Kasunod nito, itinakda naman ang curfew hours mula ala-7 ng gabi hanggang alas-5 ng umaga.