Pinalawig pa ng Land Transportation Office (LTO) ang validity ng student permits, maging ang lisensya ng drivers at mga konduktor, hanggang ika-31 ng Marso.
Sinabi ng LTO na valid ang extension ng student permit sa mga may edad 17 hanggang 20, pati na rin sa mga 60-anyos pataas.
Ang pagpapalawig ay dahil required ang age groups na ito na manatili sa loob ng kanilang bahay sa kasagsagan ng quarantine period dahil sa coronavirus disease 2019 (COVID-19) pandemic.
Ito na ang ikatlong pagkakataon na pinalawig ng LTO ang validity ng ilan sa mga lisensya na kanilang iginawad dahil sa prolonged restrictions sa gitna ng pandemya.
