Suspendido pa rin ang klase mula sa day care hanggang grade 3 sa 15 barangay sa San Pascual, Batangas matapos tamaan ng Hand, Foot and Mouth Disease (HFMD) ang nasa 150 katao.
Ayon kay DOH OIC Maria Rosario Vergeire, iniimbestigahan na nila kung kumakalat na ang sakit sa ibang bayan sa Batangas.
Nagbigay na rin anya sila ng preventive measures sa mga barangay upang maiwasang kumalat pa ang sakit.
Maiiwasan ang sakit na HFMD sa pamamagitan ng wastong paghuhugas ng kamay, disinfect at iwasan ang close contact sa mga taong may sakit. —sa panulat ni Jenn Patrolla
