Tinawag na “fake news” ni Cotabato City Mayor Frances Cynthia Guiani ang report mula sa Singapore hinggil sa presensya ng ilang miyembro ng ISIS sa nasabing lugar.
Sinabi ni Guiani na kasinungalingan ang nasabing report na inilabas ng isang Amy Chiu.
Gayunman, ipinabatid ni Guiani na kaagad siyang nagpatawag ng pulong kasama ang Philippine National Police o PNP at iba pang concerned agencies para tutukan ang nilalaman ng naturang report.
Una nang lumabas sa report na may lima hanggang sampu kataong dumating sa Cotabato City at iwinagayway ang bandila ng ISIS sa harap mismo ng isang unibersidad sa kasagsagan ng klase.
