Maaaring umabot sa 92 trial days ang paglalahad ng mga ebidensiya sa impeachment trial ni Vice President Sara Duterte, ayon sa pagtataya ng magkabilang panig.
Ayon kay Senate Secretary Renato Bantug, tinatayang mangangailangan ang prosekusyon ng 62 trial days para maiprisinta ang kanilang mga ebidensiya, habang 30 trial days naman ang kakailanganin ng depensa.
Sinabi ni Bantug na ito ang naging commitment ng magkabilang panig sa pre-trial conference at batay sa kanilang sariling pagtataya ng panahon na kakailanganin upang makumpleto ang presentasyon ng ebidensiya.
Nakatakdang simulan ang pormal na impeachment trial sa Hulyo 6, habang isasagawa ang mga pagdinig tuwing Lunes hanggang Miyerkules. Samantala, isinagawa ang pre-trial conference upang mapabilis ang takbo ng paglilitis at matapos ang mga kinakailangang paghahanda bago ang trial proper.
