Iginiit ng Philippine Air Force na well maintained ang lahat ng kanilang UH-1H helicopters at sinusunod dito ang mga kaukulang pag-iingat bago tuluyang paliparin.
Ayon iyan kay Air Force Spokesman Lt/Col. Aris Galang kasunod ng nangyaring pagbagsak ng isa sa kanilang UH-1H helicopter sa Brgy. Bulonay, bayan ng Impasug-Ong sa lalawigan ng Bukidnon kahapon.
Sinabi ni Galang, hindi pa malinaw ang naging sanhi ng aksidente bagama’t batay sa inisyal na ulat mula sa 4th infantry division ng Philippine Army ay engine trouble ang pinagmulan nito.
Gayunman, sinabi ni Galang na grounded o hindi muna papayagang lumipad sa ngayon ang lahat ng mga UH-1H helicopters ng air force upang isailalim sa kaukulang inspeksyonbilang bahagi ng kanilang standard operating procedures (SOP).
