Kasabay ng paggunita sa ika-sampung anibersaryo ng 2016 Arbitral Award, tiniyak ni Defense Secretary Gilberto Teodoro Jr. na patuloy na kikilos ang Department of National Defense at Armed Forces of the Philippines upang ipatupad ang naturang desisyon at mapanatili ang integridad ng teritoryo ng Pilipinas.
Ayon kay Secretary Teodoro, patuloy ding palalawakin ng defense at security sector ang kaalaman ng publiko tungkol sa West Philippine Sea upang mas mapatatag ang pambansang pagkakaisa at katatagan.
Iginiit din ng kalihim na patuloy nilang lalabanan ang anumang pagtatangkang ipagkait sa Pilipinas ang mga karapatan at benepisyong kinikilala sa loob ng Exclusive Economic Zone nito.
Tinawag ni Secretary Teodoro na isang makasaysayang tagumpay ang 2016 Arbitral Award dahil kinilala nito ang mga karapatan ng Pilipinas sa West Philippine Sea.
