Isang 19 anyos na estudyante ang patuloy pang pinaghahanap matapos lumubog ang sinasakyang motor bangka sa isang ilog sa San Jose Occidental Mindoro.
Kinilala ang biktima na si Leah Mangao.
Ayon sa Philippine Coast Guard, sakay ng nasabing bangka ang siyam na katao kasama si Mangao nang lumubog ito dulot ng malakas na water current habang tumatawid sa ilog sa barangay San Agustin noong biyernes ng hapon.
Nailigtas naman ang walong iba habang nagpapatuloy pa rin ang search and rescue operations para sa nawawalang dalagita.
