Tinawag ng Teachers’ Dignity Coalition na isang “wake-up call” ang pagkamatay ng isang Grade 4 pupil sa Cavite matapos ang school deworming activity.
Ayon sa grupo ng mga guro, na inilantad ng insidente ang matagal nang problema sa sistema ng mga pampublikong paaralan sa bansa.
Hindi anila ito isang hiwalay na insidente kundi patunay ng kakulangan ng school nurses at iba pang non-teaching personnel, na nagiging dahilan upang mapilitang gampanan ng mga guro ang mga tungkuling hindi saklaw ng kanilang propesyon.
Nanawagan ang Teachers’ Dignity Coalition sa pamahalaan na maglaan ng sapat na pondo, dagdag na health personnel, at mga polisiyang magtitiyak sa kaligtasan at kapakanan ng mga guro at mag-aaral upang maiwasan ang kahalintulad na insidente.—sa panulat ni Jordan Gutierrez
