Umapela ang Malakanyang sa publiko na ipagpatuloy ang COVID-19 safety at health protocols, lalo sa mga nagpupunta sa Manila bay dolomite beach.
Pinaalalahanan din ng Palasyo ang mga pulis na mahigpit na ipatupad ang social distancing rules makaraang dumugin ng mga tao ang naturang lugar noong linggo.
Ayon kay Presidential Spokesman Harry Roque, bagaman bumababa ang COVID-19 cases sa bansa, hindi dapat magpabaya dahil mayroon pa ring pandemya.
So unang-una nananawagan po kami, sa ating mga kababayan ano,pandemya pa po, kinakailangan po, mask, hugas, iwas at kukuyanin na , bakuna nga po. Talaga naman po ang dolomite ay for the enjoyment of everyone pero huwag naman hong maging dahilan ‘yan para magkaroon tayo ng super spreader event, pahayag ni Presidential Spokesperson Harry Roque.”— sa panulat ni Drew Nacino
