Iginagalang ni Vice President Jejomar Binay ang resulta ng survey ng SWS o Social Weather Stations kung saan nakaungos na naman sa kaniya si Senador Grace Poe tulad nang lumabas sa survey ng Pulse Asia kahapon.
Ayon kay Vice Presidential Spokesperson Joey Salgado, ang SWS survey result ay nakikita ni Binay bilang oportunidad para matuto kung paano mapapabuti ang pagsisilbi at pamamahala sa bansa.
Iginiit ni Salgado na patuloy na makikinig ang Bise Presidente sa pulso ng taumbayan.
Naniniwala naman si Salgado na maganda pa rin ang katayuan ni Binay sa kabila ng mga pambabatikos ng ilang kritiko.
By Judith Larino | Kevyn Reyes
