All systems go na ang mga magsasagawa ng kilos-protesta para sa Trillion Peso March sa Nobyembre a-trenta.
Ayon kay Trillion Peso March Movement spokesman at convenor ng 1Sambayan Howard Calleja, bukod sa pangunahing pagtitipon sa People Power Monument sa EDSA, magkakaroon din ng mobilization sa Bacolod, Cagayan de Oro, Iloilo at Cebu.
Magsisimula anya ang aktibidad bandang alas-diyes ng umaga matapos ang misa sa EDSA Shrine.
Nilinaw ng grupo na hindi panawagan para sa pagbibitiw ni Pangulong Ferdinand Marcos Jr. ang naturang rally kundi accountability, transparency at good governance.
Unang isinagawa ang Trillion Peso March noong Setyembre 21, kasabay ng paggunita sa ika-53 anibersaryo ng Martial Law.
Umabot sa 80,000 hanggang 100,000 ang lumahok sa sa unang Trillion Peso March noong Setyembre.
