Puspusan pa rin sa paghahanda ang National Capital Region Police Office para sa isasagawang malawakang kilos-protesta sa iba’t ibang bahagi ng Metro Manila sa Nobyembre a-trenta.
Ayon kay NCRPO spokesperson Major Hazel Asilo, maaga nilang in-activate ang kanilang preparatory measures at sa ngayon, nakatuon na ang kanilang pansin sa final coordination.
Dagdag pa ni Major Asilo, nasa advanced stage na sila ng paghahanda, at patuloy na ina-update ang iba’t ibang aspeto ng kanilang mga hakbang upang matiyak ang kaayusan sa isasagawang kilos-protesta.
Sinabi rin ni Major Asilo na muling tutulong ang mga pulis mula sa ilang kalapit-rehiyon ng NCR upang masiguro ang kaligtasan ng lalahok sa rally.
