Nakatakdang ipatupad ni Pangulong Rodrigo Duterte ang total ban sa pagmimina dahil sa malaking pinsalang idinulot ng ilang iresponsableng mining company sa bansa.
Ipinakita ng Pangulo ang mga larawan kung saan napinsala at nakalbo ang mga lugar na pinagminahan ng mga mining company.
Binigyang-diin ng Pangulo na wala siyang pakialam kung mawawala ang 70 Billion Peso na taunang kita sa mining sector kung masisira at masasalaula naman ang kalikasan gaya ng dagat at kabundukan at hindi na mapapakinabangan ng susunod na henerasyon.
Pakingan: Bahagi ng pahayag ni Pangulong Duterte
Inimbitahan naman ng Punong ehekutibo ang mga may-ari ng mining firm na magtungo sa Malakanyang para magpaliwanag kung bakit nilapastangan ang kalikasan sa kanilang mga operasyon.
Iginiit ng Presidente na naniniwala siyang totoo ang naging presentasyon ni DENR Secretary Gina Lopez sa mga nasirang kalikasan dahil sa mga iresponsableng mining.
Pakingan: Bahagi ng pahayag ni Pangulong Duterte
By: Drew Nacino / Aileen Taliping
Photo Credit: RTVM / Presidential Communications