Isinusulong ni Pangulong Ferdinand Marcos Jr ang paggamit ng solar power irrigation sa mga sakahan.
Ito’y bilang bahagi ng paghahanda ng pamahalaan sa epekto ng El Niño upang mapataas ang produksyon at kita ng mga magsasaka.
Sa ginanap na ceremonial palay harvesting sa Candaba, Pampanga, inihayag ni Pangulong Marcos na ito ay bahagi ng kanilang napag-usapan ni Agriculture Secretary Francisco Tiu Laurel Junior matapos ang naging pagbisita sa Vietnam.
Kaugnay nito, nangako rin ang pangulo na hindi pababayaan ang mga magsasaka sa pamamagitan ng paglalaan ng P31- B sa National Rice Program para sa taong 2024.
Layon din ng proyekto na mapaigting ang mga programang tulad ng production support, extension services, research and development at irrigation network services. – sa panunulat ni Maianne Dae Palma
