Ininspeksyon ni Department of Public Works and Highways (DPWH) Secretary Mark Villar ang nagpapatuloy na konstruksyon ng modular hospital sa lungsod ng Las Piñas.
Sa isang pahayag, sinabi ni Villar na sa kanyang pagi-inspeksyon sa bahagi ng Las Piñas General Hospital and Satellite Trauma Center, nakita aniya na nakumpleto na ng lokal na engineering office ng ahensya ang 90% ng pasilidad.
Kinabibilangan ito ng mga ventilation systems, oxygen lines maging ng mga air condition units.
Mababatid na ang naturang modular hospital ay kayang tumanggap ng 36 na COVID-19 patients na inaasahang makatutulong na ma-decongest o mapaluwag ang kasalukuyang pasilidad ng LPGH-STC at pa rin mabigyan ng atensyong medikal ang iba pang mga pasyente.
Samantala, inaasahang sa Hunyo 24 ay matatapos na ang konstruskyon ng naturang bagong modular hospital.