Ibinunyag ni Senador Panfilo Lacson na nagpapatuloy umano ang tinatawag niyang “illegal reclamation” sa pampang ng Laguna de Bay na sakop ng Taguig City.
Kinuwestyon ni Lacson ang Department of Environment and Natural Resources (DENR) at Laguna Lake Development Authority (LLDA) kung bakit nagpapatuloy ang proyekto, gayong isinailalim na umano ito sa pagsusuri ng Office of the Ombudsman.
Isinagawa ang ocular inspection ng Ombudsman kasama ang Philippine Reclamation Authority (PRA), Land Registration Authority (LRA), at Department of Public Works and Highways (DPWH).
Ayon pa kay Lacson, nakatanggap siya ng impormasyon na isang advocacy group ang nagsampa ng reklamo sa Ombudsman dahil umano sa ilegal na aktibidad na isinasagawa ng lokal na pamahalaan ng Taguig.
Kabilang umano sa mga pangalang binanggit ng grupo sina dating DPWH Taguig-Pateros Assistant District Engineer Lamberto De Leon, Atty. Joel Montales, at isang Arjay Castañeda, na sinasabing konektado sa mga Cayetano ng Taguig.
Wala pang pahayag si Senate Minority Leader Alan Peter Cayetano kaugnay sa mga naturang paratang. | Sa panulat ni Anjo Riñon
