Hinikayat ng National Disaster Risk Reduction and Management Council o NDRRMC ang publiko na lumahok at makiisa sa isasagawang Nationwide Simultaneous Earthquake Drill para sa unang bahagi ng taong ito.
Batay sa abiso ng NDRRMC, natakdang isagawa ang Nationwide Simultaneous Earthquake Drill sa Marso 10, 2022 ganap na ika-9 ng umaga subalit magsisimula ang programa ganap na ika-8.
Bilang pag iingat pa rin sa COVID 19 ay gagawin ang Nationwide Simultaneous Earthquake Drill virtualy na mapapanood sa facebook pages ng NDRRMC, Office of the Civil Defense o OCD gayundin sa Radio TV Malacañan o RTVM.
Una rito, may isasagawa ring webinar ang NDRRMC tungkol sa Disaster Preparedness ng mga Babae, Kabataan, mag-aaral at Senior Citizens.
Patuloy rin ang panawagan ng NDRRMC sa publiko na maging handa anumang oras at makiisa sa mga programa o aktibidad na layong paigtingin ang kahandaan ng bawat isa mula sa banta ng lindol gayundin ng iba pang panganib.
Ito ang ika-pitong Nationwide Simultaneous Earthquake Drill na isasagawa via online ng NDRRMC mula noong pumutok ang pandemiya, taong 2020. —ulat mula kay Jaymark Dagala (Patrol 9)