Mahigpit na ang ipinatutupad na seguridad sa Araneta Center Bus terminal sa Quezon City ilang araw bago ang paggunita sa Undas.
Ayon sa Araneta Center Security, iniinspeksyong mabuti ang mga dalahin ng mga pasahero upang maiwasan ang pagbibitbit ng mga ipinagbabawal na bagay tulad ng baril, patalim at iba pa.
Samantala, sinabi ng dispatcher ng ALS Bus Liner na si Bobby Mape, ngayon pa lamang ay punuan na ang kanilang bus na umaalis kada tatlumpung (30) minuto.
Inaasahang dodoble pa ang bilang ng mga pasahero sa araw ng Biyernes at Sabado sa pagsisimula ng long weekend.
By Rianne Briones
