Umabot sa mahigit sampung milyong mag-aaral ang apektado ng pansamantalang suspensyon ng klase bunsod ng super typhoon Nand.
Batay sa datos ng Department of Education, mahigit apatnaraang libong guro at kawani rin ang naaapektuhan ng kanseladong pasok.
Sa tala ng DepEd, nasa 17,451 pampublikong paaralan mula sa 99 dibisyon sa siyam na rehiyon ang nagsuspinde ng harapang klase at lumipat sa alternative delivery mode (ADM) upang matiyak na tuloy-tuloy ang pag-aaral.
May pinakamataas na naitalang apektadong paaralan sa Region 2 na may 3,567, sinundan ng Region 1 na may 2,865 at Region 4 na may 2,544.
