Walang planong palawigin ng pamunuan ng Metro Rail Transit line 3 ang kanilang operasyon sa nalalapit na Christmas season.
Paliwanag ni MRT3 Director for Operations Michael Capati, ito ay dahil naglalaan ng sapat na panahon para sa rail replacement sa tren na gagawin sa loob ng 3 buwan na pasisimulan ngayong Oktubre.
Ani Capati, kailangan nang agad ipagawa ang riles dahil sa mga nakitang sira rito.
Target matapos umano ng pamunuan ng MRT ang rail replacement sa February 2021.