Inihayag ni Land Transportation Office Chief Assistant Secretary Edgar Galvante na sasailalim sa periodic medical exams ang mga drayber na may lisensyang 5 hanggang 10 taong validity.
Ani Galvante, ang nasabing hakbang ay upang matiyak na may kakayahan pa ring magmaneho ang mga drayber matapos ang lumipas na mga taon nang makuha ang lisensya.
Kaugnay dito, sinabi niya na ang best schedule ng medical exam para sa may 5 taong validity ay sa ikatlong taon ng lisensya habang sa ikatlo, ika-lima at ika-pitong taon naman sa may sampung taong validity.
Matatandaang inanunsyo ni Pangulong Rodrigo Duterte na magsisimula ang pagbibigay ng lto ng 10 taong validity ng driver’s license sa Disyembre. —sa panulat ni Airiam Sancho
