Peke o “fabricated attacks” at walang basehan ang mga alegasyon laban kay dating House Speaker Lord Allan Velasco.
Ito ang naging pahayag ng kampo ni Velasco, kasunod ng akusasyong inatasan niya si dismissed policeman Rodulfo Gracioso Jr. na mag-deliver ng male-maleta ng pera kina Vice President Sara Duterte, dating Pangulong Rodrigo Duterte, at Davao City Representative Paolo Duterte, na naglalaman ng bilyun-bilyong piso.
Ayon sa spokesman ni Velasco na si Atty. Rowell Ilagan, inconsistent ang akusasyon laban sa kanyang kliyente at ang aniya’y “one-size-fits-all” narration ni Gracioso ay tila ginawa para umatake sa mas maraming target, partikular ang mga Duterte.
Hinikayat din ni Atty. Ilagan ang publiko na maging mas maingat sa pagtanggap sa naturang alegasyon.
Kaugnay nito, nauna na ring itinanggi ni VP Sara Duterte ang pahayag ni Gracioso at sinabing hindi niya ito kilala. | Sa panulat ni Terence Molave
