Pinagkibit-balikat lang ni Senate Minority Leader Juan Ponce Enrile ang kasong malversation of public funds na isinampa laban sa kanya ni Atty. Levito Baligod.
Tahasang sinabi ni Enrile na haharapin niya ang kaso at ang nag-aakusa laban sa kanya sa tamang forum.
Hindi naman batid ni Enrile kung may motibo o mayroong nasa likod ni Baligod sa paghaharap ng kasong malversation of public funds laban sa kanya.
Hindi aniya niya kakilala si Baligod, pero tila nang-aasar na sinabi nito na mahusay daw itong abogado.
Noong una ay inakala ni Enrile na panibagong plunder case ang iniharap laban sa kanya, bagay na ayon sa senador ay sobra naman kung multiple plunder na ang kanyang kakaharapin.
By: Meann Tanbio/ Cely Ortega-Bueno (Patrol 19)
