Tiniyak ng Department of Justice na dadaan sa regular na proseso ang reklamong serious illegal detention na inihain ng itiniwalag na ministro ng Iglesia ni Cristo na si Isaias Samson laban sa 8 miyembro ng Sanggunian.
Ibig sabihin, ayon kay Justice Secretary Leila De Lima, ang reklamo ay itatalaga sa isang piskal o kaya’y sa panel of prosecutors para sa pagdaraos ng preliminary investigation.
Kapag nasa preliminary investigation na ang kaso, bibigyan naman ng pagkakataon ang mga respondent na sumagot sa reklamo ni samson.
Nag-ugat ang reklamo ni samson sa umano’y siyam na araw niyang pagkaka-house arrest kasama ng kanyang pamilya sa kanilang townhouse sa Tierra Bella sa Quezon City alinsunod sa utos umano ng mga miyembro ng Sanggunian ng INC.
By: Meann Tanbio/ Bert Mozo (Patrol 3)
