Normal pa ang sitwasyon ng mga Pilipinong nasa Moscow, Russia sa kabila ng tensyon sa pagitan ng Ukraine.
Sa panayam sa DWIZ, sinabi ni Wander Maria, OFW sa Moscow na hindi pa ganoon kagulo ang sitwasyon sa kanila.
Normal pa rin ang pinagkukunan ng pagkain, signal, transportasyon at trabaho.
Pero sa kabila nito, aminado si Maria na natatakot pa rin sila lalo kung lalala pa ang gulo at umabot sa iba pang panig ng Russia.
Sa ngayon, tanging ang telegram at whatsapp ang ginagamit na linya ng komuniksyon ng mga OFW sa Moscow.
Panawagan naman ni Maria sa kaniyang kamag-anak sa Pilipinas na huwag mag-aalala at manatiling magdasal.—sa panulat ni Abby Malanday
