Inilikas ng Department of Foreign Affairs o DFA ang 32 mga Overseas Filipino Workers o OFW sa Afghanistan na kontrolado na ng mga Taliban fighters.
Sa abiso ng DFA, sinabi nito na kanilang ginagawa ang lahat ng hakbang para mapauwi ang mga Pinoy na naiipit sa kaguluhan sa kabisera ng Afghanistan na Kabul.
Kasunod nito ay may 19 na mga Pilipino pa ang nakatakdang ilikas ng ahensya.
Sa huli, nanawagan ang dfa sa lahat ng mga Pinoy sa Afghanistan na makilahok sa ginagawang repatriation efforts ng pamahalaan para matiyak ang kanilang kaligtasan.