Pinasabog ng di pa nakikilalang salarin ang sasakyang pag-mamay ari ng isang mamamahayag sa Legazpi City kaninang umaga.
Ayon sa mga otoridad naganap ang pagsabog bandang 1:15 ng madaling araw sa bahay ni Jun Alegre, komentarista sa isang istasyon ng radyo sa nasabing lalawigan.
Itinanim aniya ang isang granada sa ilalim ng Toyota Hilux na pagmamay ari ni Alegre.
Maswerte naman umanong walang nasaktan sa nasabing insidente habang na patuloy iniimbestigahan ang motibo sa pagpapasabog.
Samantala sa isang panayam, sinabi ni Alegre na malaki ang posibilidad na may kinalaman sa kaniyang trabaho bilang mamamahayag ang motibo ng salarin.
Hindi aniya ito ang unang pagkakataon na may ganitong nangyari sa kaniyang insidente.
Gayunman, nanindigan si Alegre na hindi siya magpapa apekto sa pananakot na katulad nito.
