Naglaan ng P1M ang Chinese Embassy para sa mga biktima ng kalamidad sa Misamis Occidental.
Ayon kay Chinese Ambassador Huang Xilian, ang pera ay idadaan nila sa SMNI Foundation na siyang mamamahala sa isasagawang relief operations sa probinsya.
Matatandaang iniulat ng National Disaster Risk Reduction and Management Council (NDRRMC) na pumalo na sa 46 ang bilang ng mga nasawi sa pag-ulan at pagbaha na dulot ng shear line habang 28 naman ang missing o patuloy pa ring pinaghahanap.
Kabilang sa mga biktima ay mula sa Bicol region, Eastern Visayas, Zamboanga Peninsula, Northern Mindanao, Davao, at Caraga.
