Umakyat pa sa 21 ang bilang ng nasawi dahil sa pananalasa ng super typhoon Rolly sa Region 5 o Bicol Region.
Batay ito sa pinakahuling tala ng Office of the Civil Defense (OCD) Region 5 kung saan 13 sa mga nasawi ay mula ng Albay, dalawa sa Camarines Sur at anim sa Catanduanes.
Samantala, nasa apat katao ang nawawala habang nananatili sa 394 ang nasugatan.
Sa datos mula sa Department of Social Welfare and Development (DSWD), pumapalo sa higit 26 na pamilya o katumbas ng mahigit 100 indibiduwal ang nawalan ng tahanan dahil sa bagyong Rolly.
Sa nabanggit na bilang mahigit 20,000 pamilya o katumbas ng 77,000 indibiduwal ang nananatili sa mga evacuation centers.
Sa kasalukuyan, nasa state of calamity na ang mga lalawigan ng Camarines Sur, Catanduanes at Albay.