Tinutunton na ng National Bureau of Investigation ang mga indibidwal na sangkot sa audio clip warning ng total lockdown sa bansa sa harap ng patuloy na paglobo ng COVID-19 cases.
Ayon kay Justice Secretary Menardo Guevarra, sakaling mahanap ay agad aarestuhin at kakasuhan ng paglabag sa revised penal code ang sinumang sangkot dahil sa pagpapakalat ng maling impormasyon.
Hinikayat naman ni Guevarra ang publiko na huwag nang ipakalat ang voice clips upang maiwasang maalarma ang publiko, mag-panic buying at hoarding ng essential goods.
Una nang nilinaw ni Acting Presidential Spokesman Karlo Nograles na wala umanong katotohanan at basehan ang lumabas na audio clip.