Inilagay na sa alert level 4 ng Department of Health (DOH) ang 54 lugar sa bansa.
Ayon kay Health Usec. Maria Rosario Vergeire, ito’y dahil ilan sa mga pagamutan sa Metro Manila ang pumalo sa higit 70% ang kanilang utilization rate.
Ito ang mga lungsod ng Las Piñas, Malabon, Makati, Marikina, Muntinlupa, Navotas, San Juan, Quezon City, Taguig at Valenzuela at munisipalidad ng Pateros.
Habang ang iba pang mga lugar na nasa ilalim ng alert level 4 ay matatagpuan naman sa mga rehiyon ng Cordilllera Autonomous Region o CAR, Regions 1, 2 At 3, Region Iv-A, Regions V, Vi,Vii, Viii, Region X, Region Xii at CARAGA Region. —sa ulat ni Jopel Pelenio (Patrol 17)