Lusot na sa third and final reading sa Mababang Kapulungan ng Kongreso ang panukalang nagbabawal sa mga employers na magpaskil ng termination notices ng kanilang empleyado sa mga pahayagan, socila media sites at sa iba pang lugar para sa public information.
Sa House Bill 5818, nakasaad na protektado ng pamahalaan ang lahat ng mga manggagawa laban sa mga pag-abuso ng mga employers.
Sa ilalim din ng nasabing batas, maaari lamang ipalathala ng notice of termination kung ang isang empleyado ay nakagawa ng masama o iligal, sobra-sobra o madalas na pagpapabaya sa kanyang tungkulin, pandaraya at krimen laban sa kanyang mga employers at pamilya nito.
Gayundin kung ang isang dating empleyado ay nagdulot ng pagkawala o pagkasira ng property, stocks at iba pang assets ng employer o kung mako-kompromiso ang interes ng kumpanya.
Hindi naman sakop ng batas ang mga accounting staff tulad ng kahera, treasurer, collection officers, sales agents, mga manager at supervisors at mga opisina o empleyadong may kinalaman sa paghawak ng pera, ari-arian, stocks o iba pang mga assets.
By Krista de Dios
