Maaari nang muling makahawak ng alinmang posisyon sa gobyerno ang aktor na si Robin Padilla.
Ito’y makaraang gawaran si Padilla ng absolute at unconditional pardon makaraang mahatulang guilty ng korte sa kasong illegal posession of firearms and ammunitions noong Dekada ’90.
Ayon kay Presidential Spokesman Ernesto Abella, maliban sa mga nabanggit, maaari na ring muling makaboto si Padilla bilang bahagi ng pardon na iginawad sa kanya.
Bagama’t hindi nagbigay ng detalye si Abella, sinasabing ito ang naging laman ng pag-uusap nila Pangulong Duterte at Padilla kahapon, nang bumisita ito sa Palasyo ng Malacañang.
By Jaymark Dagala | Aileen Taliping (Patrol 23)
