Excited na ang Aldubnation sa tinaguriang big surprise ni Lola Nidora para kina Alden at Maine Mendoza aka Yaya Dub.
Mamayang tanghali isasapubliko ni Lola Nidora sa Saturday edition ng kalyeserye ang nasabing sorpresa na aniya ay ikatutuwa ng lahat.
Nakasulat ang nasabing sorpresa sa isang envelope na tila selyado pa at mahigpit na binabantayan ng mga Rogelio.
Kahapon ay super duper kilig naman ang aldubnation sa lambingan nina Alden at Maine sa pag-celebrate ng kanilang third monthsary kahit pa magkahiwalay ang mga ito.
Labis na kilig na inihatid ng Aldub nang mag-usap sa telepono ang mga ito at batiin ang isa’t isa ng monthsary.
Kitang-kita sa camera ang kilig ni Alden habang kausap si Maine sa telepono kung saan ni request ni Yaya Dub ang pag-dubsmash ni Alden na hiniling naman kay Maine ang pag-awit ng sikat na kanta ng Kapuso actor na Wish I May Wish I Might.
Sa huli, naputol ang usapan ng dalawa na parang may humila ng telepono kay Maine subalit nagpahabol pa si Alden sa ka loveteam ng mga katagang I Miss You.
By Judith Larino
