Tiniyak ni Ombudsman Jesus Crispin “Boying” Remulla na tuloy ang imbestigasyon laban kina Senators Francis “Chiz” Escudero at Joel Villanueva sa kabila ng paglipat nila sa Senate majority.
Ayon kay Remulla, nasa fact-finding stage pa ang mga kaso ngunit malapit na itong umusad sa susunod na proseso.
Nahaharap ang dalawang senador sa alegasyong tumanggap ng kickback kaugnay ng mga infrastructure project, na mariin nilang itinanggi.
“Tuloy ‘yan, ginagawa pa rin namin lahat ‘yan… Nasa fact-finding pa rin… pero malapit na rin ‘yan. Darating tayo diyan,” — Ombudsman Remulla
