Inalala ng Ateneo de Manila University ang ika-apatnapung araw ng pagkamatay nina Rene “Bobet” Baterbonia at Divine Adili ng Ateneo Blue Eagles.
Matatandaang nalunod sina Baterbonia at Adili noong Hunyo 8, na naging batayan ng Ateneo para sa apatnapung araw nitong pagluluksa sa mga naturang student-athlete.
Pinangunahan ni Ateneo President, Father Roberto Yap, ang misa ng pag-alala sa dalawang nasawing basketbolista na ginanap ngayong araw sa Church of the Gesu sa loob ng campus ng unibersidad.
Samantala, mayroon ding pag-aalala ang bayan ng Talacogon, Agusan del Sur para kay Baterbonia bukas, kung saan dinagsa ng mga residente ng bayan at mga fans ng yumaong basketbolista simula pa kahapon ang kanyang puntod upang magbigay-pugay. | Sa panulat ni Anjo Riñon
