Nananatiling normal ang presyo ng mga bulaklak sa Dangwa sa Maynila ilang araw bago sumapit ang Valentine’s Day.
Mabibili sa halagang P450.00 ang isang dosena ng Rosas habang naglalaro naman mula P170.00 hanggang P180.00 ang kada sampung piraso ng Gerbera.
Naglalaro sa P90.00 hanggang P100.00 ang kada piraso ng Tulip; nasa P130.00 hanggang P150.00 naman ang kada stem ng Stargazer habang nasa P170.00 hanggang P180.00 ang kada bundle ng Carnation.
Nasa P150.00 naman ang kada stem ng Sunflower, ang Orchids nasa P500.00 ang kada bundle at ang Misty Blue naman ay nasa P120.00 ang kada bundle.
May mabibili ring pre-arranged na mga bulaklak sa Dangwa na nagkakahalaga ng P300.00 hanggang P600.00 depende sa laki habang nasa P150.00 lang naman ang kada bundle ng assorted na bulaklak.
Kaya’t payo ng mga tindera sa Dangwa, bumili na ng maaga dahil tiyak na magmamahal na ito bago sumapit ang mismong Valentine’s Day.
By Jaymark Dagala | With Report from Aya Yupangco
