Tinawag na “fake news” ni Department of the Interior and Local Government (DILG) Secretary Eduardo Año ang balita na tuluy-tuloy ang pangangalap nila ng mga lagda para isulong ang Charter Change (Cha-Cha).
Matatandaang sa ulat ng Philippine Daily Inquirer, may nakuha umano silang dokumento at batay sa pahayag ng hindi pinangalanang senior official, inatasan umano ng DILG ang kanilang regional offices na ipagpatuloy ang pangangalap ng pirma para sa Cha-Cha.
At dahil sa coronavirus disease 2019 (COVID-19) pandemic, gagawin nang online ang pangangalap ng pirma hanggang sa maka-ipon ng 2-milyon sa target deadline nila sa Hulyo.