Nagpositibo sa coronavirus disease 2019 (COVID-19) si Navotas City Representative John Rey Tiangco.
Ito ang kanyang kinumpirma sa isang post online, at sinabi na ito’y batay sa isinagawang antigen test.
Matapos nito, sinabi ni Tiangco na para makasiguro sa resulta ay sasailalim ito sa RT-PCR test.
Para po sa inyong kaalaman, base sa antigen test ko ngayong gabi, ako ay nag-positibo sa COVID-19. Bukas po ay magpapa…
Posted by John Rey Tiangco on Tuesday, 27 April 2021
Sa kabila nito, nanawagan si Tiangco sa lahat ng mga nakasalamuha niya na magpaswab test para matiyak ang kani-kanilang mga kaligtasan.
Mababatid na sa ngayon ay nakasailalim na ito sa isolation at nasa maayos na kondisyon.
