Magkakaroon ng balasahan sa liderato ng Philippine National Police o PNP sa susunod na buwan.
Ayon kay PNP Chief Police Director General Oscar Albayalde, sa ganitong paraan ay malalaman niya kung sino ang mga opisyal na dapat tanggalin o ilipat ng ibang puwesto.
Kabilang aniya sa mga nanganganib na masibak ay ang mga opisyal na hindi nagpe-perform ng tama sa kanilang ipinatutupad na ‘internal cleansing program’ o paglilinis sa kanilang hanay laban sa mga tiwaling pulis.
Gayunman, nilinaw ni Albayalde na hindi niya muna agad sisibakin ang mga ito bagkus ay bibigyan lang muna ng warning para aniya magtanda.
—-
