Patay ang isang preso habang labing tatlong (13) iba pa ang sugatan matapos mabagsakan ng kisame sa Butuan City Jail sa kasagsagan ng bagyong Vinta.
Kinumpirma ito ng Philippine Red Cross o PRC na unang rumesponde sa insidente.
Batay sa ulat, bumigay ang kisame ng nasabing pasilidad ng Bureau of Jail Management and Penology (BJMP) dahil sa malakas na hangin at pag-uulang dala ng bagyong Vinta.
Ayon pa sa PRC, naisugod na sa Butuan City Medical Center ang mga nasugatang inmate habang isinailalim naman sa psycho social debriefing ang iba pa.
Samantala, hindi pa nagpapalabas ng pahayag ang BJMP at hindi pa rin pinapangalanan ang nasawing inmate.
