Nakahanda ang Philippine National Police na ipagpatuloy ang mga inilatag na hangarin ni Vice President Leni Robredo sa giyera kontra droga.
Ayon kay Brig. General Bernard Banac, spokesman ng PNP, sa maigsing panahon ng panunungkulan ni Robredo bilang co chair ng Inter Agency Committee Against Illegal Drugs (ICAD), marami silang natutunan at magsisilbi itong inspirasyon para mapagbuti ang kampanya kontra droga.
Sinabi ni Banac na iginagalang nila ang desisyon ng Pangulong Rodrigo Duterte na sibakin sa ICAD si Robredo.
Tiniyak ni Banac na patuloy ang mandato ng PNP na sugpuin ang illegal drugs sa bansa.
