Tila nabunutan ng tinik sa dibdib ang kampo ng estudyanteng si Krisel Mallari matapos makapag-enroll sa kursong accountancy sa University of Santo Tomas (UST).
Ayon kay Public Attorney’s Office (PAO) Chairperson Persida Rueda-Acosta, kapuri-puri ang desisyon ng Court of Appeals (CA) na maglabas ng Temporary Restraining Order (TRO) sa kabila ng pagmamatigas ng Santo Niño Parochial scHool-Quezon City.
Inihayag ni Acosta na walang karapatan ang Santo Niño Parochial na suwayin ang kautusan ng CA na isang indikasyon ng paglabag sa karapatan ng isang bata na makapag-aral.
Krisel Mallari, Thomasian na!
Pinayagan na nga ng University of Sto.Tomas si Krisel Mallari na makapag-enroll sa kursong BS Accountancy.
Ito ang kinumpirma ni Dean Patricia Empleo ng UST Alfredo Velayo College of Accountancy matapos tanggapin ang inilabas na certificate of good moral character ng Sto. Niño Parochial School sa quEzon City.
Kasalukuyan na aniyang nasa proseso ng enrollment si Mallari at makahahabol pa ito sa kabubukas lamang na klase sa unibersidad.
By Drew Nacino | ChaCha | Jaymark Dagala
