Nagbukas ang Department of Transportation (DOTr) ng karagdagang busway stop para sa EDSA bus carousel sa Tramo, Pasay City.
Ayon kay DOTr Secretary Jaime Bautista, pagsapit ng taong 2023 mas maraming bus stops ang itatayo nila sa pagitan ng North at Quezon Avenue, maging sa Ormoc Road sa Quezon City at Magallanes sa Makati City.
Nabatid na nasa 320,000 hanggang 390,000 pasahero kada araw ang nakikinabang sa carousel.
Ang pamasahe naman para sa end-to-end trip mula sa Monumento hanggang Parañaque Integrated Terminal Exchange (PITX) ay nasa P70 hanggang P76 maliban sa mga senior citizen at Persons with Disabilities (PWD) na mayroong discount.
Samantala, nakatakdang matapos ang libreng sakay ng gobyerno para sa naturang EDSA carousel sa December 31, 2022.
